کوئی فلور مل سرکاری کنک پرمٹ نہیں لوے گی: فلور ملز ایسوسی ایشن ٭پاکستان فلور ملز ایسوسی ایشن ولوں پیر توں ہڑتال دا اعلان.....٭رویل نیوز٭

اسلام آباد (بیورو رپورٹ) محکما خوراک پنجاب دیاں پالیسیاں دے خلاف پاکستان فلور ملز ایسوسی ایشن نے اگلے پیر توں ہڑتال دا اعلان کر دِتا۔ پاکستان فلور ملز ایسوسی ایشن پنجاب زون دا ہنگامی اجلاس لاہور وچ ہویا‘ جہد ے وچ فیصلا کیتا گیا کہ کوئی فلور مل سرکاری کنک پرمٹ نہیں لوے گی۔ ایسوسی ایشن دے مرکزی چیئرمین عاصم رضا دا کہنا سی کہ رمضان وچ 1 دن رہ گیا اے پر حکومت ولوں کنک دا سرکاری کوٹا بند کر دِتا گیا اے‘ کنک دی وادھو فصل موجود اے پر فلور ملز نُوں پرائیویٹ کنک دی خریداری نہیں کرن دِتی جا رہی۔حکومت دیاں غلط پالیسیاں دا خمیازا بھگتنا پوے گا۔ جے آٹے دی تھوڑ پیدا ہوئی تے ذمے دار حکومت ہووے گی۔ حکومت فلور ملز نُوں سرکاری کنک دا کوٹا بحال کرے یاں جہڑا پرمٹ فراہم کیتا جاندا اے اوہدے اُتے عمل کرے۔