ٹیکسٹائل شعبے دی منڈیاں تک سامان اپڑان لئی ساتھ دیاں گے:مشیر تجارت .....٭رویل نیوز٭

اسلام آباد (نمائند ا رویل) مشیر تجارت عبدالرزاق داؤد نے کہیا اے کہ ٹیکسٹائل شعبے دیاں منڈیاں تک رسائی وچ حکومت بھرواں تعاون کرے گی۔ مشیر تجارت عبدالرزاق داؤد نے لاک ڈاؤن بارے ٹویٹ کردیاں ہویاں کہیا کہ مغربی ملک ہولی ہولی کھُل رہے نیں تے اوہ نویں تجارتی آرڈرز دے رہے نیں۔ اوہناں نے کہیا کہ اکثریتی آرڈر ز کرونا وایرس توں پہلے دے نیں پر ٹیکسٹائل انڈسٹری نُوں چاہیدا اے کہ اوہ ایہناں موقعیاں توں بھرواں فایدا چُکے۔ عبدالرزاق داؤد نے کہیا کہ ٹیکسٹائل شعبا منڈیاں تک رسائی حاصل کر سکدا اے تے حکومت ایس سلسلے وچ بھرواں تعاون کرے گی۔ دوجے پاسے سٹیٹ بینک نے قرض اُتے شرح سود 4 فیصد توں گھٹ کر کے 3 فیصد کر دِتی اے۔