بھارت ہندوتوا تے دہشتگردی نُوں ودھا رہیا اے٭  کشمیر وچ لائی گئی نفرت دی اگ پورے بھارت وچ کھلر چکی٭ کرونا  توں بچاؤ  پاکستان آرمی دیاں 5 لیبارٹریاں قومی ادارا صحت دے تعاو نال کم کر رہیاں نیں: ترجمان پاک فوج میجر جنرل بابر افتخار .....٭رویل نیوز٭

راولپنڈی (نمائندا رویل) پاک فوج دے ترجمان میجر جنرل بابر افتخار نے کہیا اے کہ کرونا وایرس دے حوالے توں اگلے 15 دن بہت اہم نیں ایس لئی لوکائی گھراں وچ رہوے تے ایہنوں ای عبادت گاہ بنا لین۔ بھارت نے جان بُجھ کے ایل او سی اُتے آبادیاں نُوں نشانا بنایا تے سیز فائر خلاف ورزیاں وچ بھارت نے بھاری آرٹلری دا استعمال کیتا‘ آر ایس ایس دے انتہا پسنداں نے سارے عالمی قوانین نُوں پامال کیتا‘ بھارت نے عالمی قوانین نُوں پامال کر کے ثابت کیتا کہ بھارت ہندوتوا تے دہشتگردی نُوں فروغ دے رہیا اے۔ بھارت دی کشمیر وچ لائی گئی نفرت دی اگ پورے بھارت وچ کھلر چکی اے بھارت دی حالیا الزام تراشی دا مطلب اپنیاں غلط پالیسیاں نال ہوئے بلنڈ ر توں عالمی توجا ہٹانا اے‘ موجودا صورتحال وچ وی بھارت آر ایس ایس دے ایجنڈے اُتے عمل پیرا اے۔ بھارت اپنے داخلی معاملات توں دنیا دی توجا ہٹانا چاہندا اے‘ وباء نُوں اسلام نال جوڑن دی بھیڑی بھارتی کوشش دی پوری دنیا نے نندیا کیتی۔ چین نے پاکستان دی مدد کر کے چنگا سنگی ہون دا ثبوت دِتا‘ اج وی چین توں 2 جہاز امدادی سامان تے ڈاکٹراں دی ٹیم لے کے پاکستان پہنچیا اے‘ چائینز ڈاکٹرز 2 مہینے تک پاکستان وچ رہن گے‘ چین دی ایس مدد نُوں قدر دی نگاہ نال ویکھدے آں۔ سارے فرنٹ ائن ڈاکٹرز تے پیرا میڈکس نُوں خراج تحسین پیش کردا آں‘ علمائے کرام تے میڈیا دا وی شکریا ادا کردا آں‘ علمائے کرام دا کردار تعریف جوگ رہیا ت یمیڈیا نے کرونا بارے آگاہی وچ شاندار کردار ادا کیتا۔ موجودا صورتحال وچ لوکائی گھراں نُوں عبادت گاہ بنا ئے۔ ایہناں خیالاں دا اظہار ڈی جی آئی ایس پی آر میجر جنربابر افتخار نے جمعے والے دن پریس کانفرنس کردیاں ہویاں کیتا۔ اوہناں نے کہیا کہ آرمی چیف دی اگوائی وچ کانفرنس ہوئی‘ افواج پاکستان نے بھارتی فوجی قیادت دے اشتعال انگیز بیاناں دا سخت نوٹس لیا‘ بھارتی فوجی قیادت دے بیان اندرونی ناکامیاں اُتے مایوسی ظاہر کردے نیں‘ بھارت نے جان بُجھ کے ایل او سی اُتے آبادیاں نُوں نشانا بنایا‘ ہُن تک بھارت نے 850 وار جنگ بندی معاہدے دی خلاف ورزی کیتی‘ مقبوضا کشمیر وچ لائی گئی نفرت دی اگ پورے بھارت وچ کھلر چکی اے‘ دنیا وچ سبھ توں گھٹ کرونا کیسز ازاد کشمیر وچ نیں‘ بھارتی قیادت تے میڈیا نال رَل کے جھوٹھے پروپیگنڈے دی ناکام کوشش کیتی۔ میجر جنرل بابر افتخار نے ہور کہیا کہ اگلے 15 دن نہایت اہم نیں‘ بھرویں احتیاط دی کوشش کرو‘ اپنے گھراں نُوں عبادت گاہ بناؤ‘ تفتان‘ طور خم‘ چمن وچ قرنطینا سینٹر قایم کر دِتے گئے نیں‘ وسایل نُوں یوسی سح تک طے جانا اے‘ پلاننگ کر لئی‘ کرونا دے ارن جزوی تے مخصوص علاقیاں وچ لاک ڈاؤن ہووے گا‘ پاکستان آرمی دیاں 5 لیبارٹریاں قومی ادارا صحت دے تعاو نال کم کر رہیاں نیں‘ علماء طبی عملا‘ سیکیوٹی ہور اداریاں تے میڈیا دیاں خدمتاں اُتے خراج تحسین پیش کردے آں۔ ترجمان پاک فوج میجر جنرل بابر افتخار نے میڈیا بریفنگ وچ دَسیا کہ پاکستان آرمی ولوں کرونا ڈیوٹی اُتے IS الاؤنس نہ لین دا فیصلا کیتا گیا اے‘ ایہ رقم کرونا وایرس نال حکومت متاثرا بندیاں اُتے خرچ کرسکے‘ آرمی میڈیکل کور دی استعداد ودھان لئی Reservists نُوں سدیا گیا۔ آرمی چیف نے رمضان المبار وچ سول اداریاں دے نال رَل کے سارے وسایل استعمال وچ لیان دی ہدایت کیتی اے۔ دُعا اے رمضان دی برکت نال پاکستان تے دنیا نُوں کرونا توں نجات ملے۔ بھارت نے ازاد کشمیر وچ کرونا دے حاوالے توں جھوٹھیاں خبراں کھلارن دی کوشش کیتی‘ بھارتی فوجی قیادت دے حالیا بیان اندرونی ناکامیاں اُتے مایوسی ظاہر کردے نیں۔ میج جنرل ِبابر افتخار نے انٹرنیشنل سیکیورٹی الاؤنس نہ لین دا فیصلا کیتا‘لکھاں مستحق بندیاں نُوں راشن پہنچان دا سلسلا جاری اے‘ پاکستان آرمی دیاں 5 لیبارٹریاں قومی ادارا صحت دے تعاون نال کم کر رہیاں نیں‘ اسیں اپنے وسایل تے کوششاں نُوں یونین کونسل سطح تک لے جانا اے جہدے لئی منصوبا بندی کر لئی اے