لاک ڈاؤن نال بیروزگاری ودھی، لاک ڈاؤن دے نال کاروبار بند نہیں کرنا چاہیدا سی:  وزیراعظم عمران خان.....٭رویل نیوز٭ .....٭رویل نیوز٭

اسلام آباد (بیورو رپورٹ) وزیراعظم عمران خان نے ٹریس اینڈ ٹریک سسٹم متعارف کروان دا اعلان کردیاں ہویاں کہیا اے کہ سانوں لاک ڈاؤن دے نال کاروبار بند نہیں کرنا چاہیدا سی‘ لاک ڈاؤن دی وجھا توں ملک وچ بیروز گاری ودھی‘ اوہناں نے کہیا اے کہ آرٹی فیشن انٹیلی جنس سسٹم ول جا رہے آں تے ایس حوالے توں آئی ایس آئی تے ہور ایجنسیاں نال ایس معاملے اُتے مشاورت کیتی اے‘ آرٹی فیشنل انٹیلی جنس سسٹم نال روگیاں تے مقامات دی نشاندہی ہو سکے گی۔ جمعے نُوں وزیراعظم عمران خان نال کجھ صحافیاں نے ملاقات کیتی اے جہدے دوران اوہناں نے گلبات کردیاں ہویاں کہیا کہ بھارت‘ بنگلا دیش تے افریقا ورگے ملک مشکل نال دوچار نیں‘ کجھ نہیں کَہ سکدے کہ کرونا کدوں تک رہوے گا‘ قوم بن کے ایس امتحان وِچ نبرد آزما ہونا پوے گا‘ کرونا معاملے اُتے پاکستان نُوں کوئی امداد نہیں ملی‘ کرونا کدوں ختم ہووے گا‘ ایس بارے وچ کجھ نہیں کہیا جا سکدا‘ آرٹی فیشل انٹیلی جنس سسٹم ول جا رہے آں تے ایس حوالے توں آئی ایس آئی تے ہور ایجنسیاں نال ایس معاملے اُتے مشاورت کیتی اے۔ اوہناں نے کہیا کہ آرٹیفیشل انٹیلی جنس سسٹم نال روگیاں تے تھاواں دی نشاندہی ہو سکے گی‘ ہولی ہولی لاک ڈاؤن کھول رہے آں پر ایہدے وچ ویلا لگے گا‘ کرونا پوری دنیا لئی وڈا امتحان اے‘ ترقی پذیر تے ترقی یافتا ملکاں وچ کرونا دے مسئلے مختلف نیں‘ بیرون ملک پاکستانیاں ولوں ترسیلات زر رُک گئے نیں‘ آئی ایم ایف نے قرضیاں دی ادائیگی وچ ریلیف دِتا‘ پی ٹی آئی ملک وچ سبھ توں پہلے سوشل میڈیا استعمال کرن والی جماعت اے‘ کوئی کنا وی جھوٹھ بولے‘ آخر کار لوکائی سچ لبھ لوے گی‘ ٹیلی ایجوکیشن سسٹم نال اوہناں علاقیاں وچ تعلیم پہنچی جتھے کوئی نظام نہیں سی۔