اپوزیشن دا دل تے نیت صاف نہیں اے٭ اپوزیشن ہر ویلے چاہندی کہ عمران خان ناکام ہوجائے  : فردوس عاشق.....٭رویل نیوز٭

اسلام آباد (بیورو رپورٹ) وزیراعظم دی معاون خصوصی برائے اطلاعات و نشریات فردوس عاشق اعوان نے کہیا اے کہ مخالفین سیاسی منافقت چھڈ دین‘ اپوزیشن دا دل تے نیت صاف نہیں‘ اپوزیشن ہر پَل چاہندی اے عمران خان ناکام ہون۔ سماجی رابطے دی ویب سائٹ اُتے ٹویٹ کردیاں ہویاں اوہناں نے کہیا کہ اپوزیشن اِک پاسے لاک ڈاؤن توں فرار جد کہ دوجے پاسے ایہدا اصرار کر رہی اے‘ نیب سدّے تے سماجی فاصلیاں دی پرواہ آ جاندی اے جد کہ دوجے پاسے لاپرواہی کیتی جا رہی اے۔ فردوس عاشق اعوان دا کہنا سی کہ وزیراعظم کرونا نال لڑ رہے نیں‘ ن لیگ عمران خان تے نیب اُتے برس رہی اے‘ وزیراعظم نے ہمت تے جدوجہد مسلسل نال ناقدین نُوں ہمیشا غلط ثابت کیتا۔