kraamaat@gmail.com
+ +92 333-430-6384


کرونا وایرس دیاں 30قسماں نیں؟سائنسداناں دا نواں اُشغُلا


خاص لیکھ April 25, 2020


کرونا وایرس دیاں 30قسماں نیں؟سائنسداناں دا نواں اُشغُلا

کرونا وایرس یورپ وچ جہڑی بربادی پھیلا رہیا اے اوہ ایشیا دے مُلکاں وچ نہیں اے کیوں جے ایتھے جہڑیاں کرونا دیاں قسماں موجود نیں اوہ اوس طرحاں دیاں بربادی والیاں قسماں نہیں نیں سگوں ایہ قسماں اوہ نیں جہڑیاں یورپ دے وچ پائے جاون والیاں قسماں نالوں اُکا ای وکھرا اے۔ایہدے وچ خِطے دی آب وہوا دا وی ڈھیر تعلق اے کیوں جے دوواں تھاواں دی آب وہوا اکو جہی نہیں اے تے ایہ حالات وایرس نوں اپنی شکل تے خوبیاں بدلن وچ مدد دیندا اے۔ایس توں سائنسداناں نے کھوج نال ایہ ثابت کیتا اے کہ آب وہوا دے نال کرونا وایرس اپنیاں شکلاں ای نہیں اپنے اثرات وی بدلدا اے۔
ایس ویلے دُنیا ڈھیر ساریاں اوکڑاں وچ گھِری ہوئی اے تے ایہ اوکڑاں ہر آون والے لمحے نال ودھ رہیاں نیں۔اک اک دن وچ موتاں دی تعداد ہزاراں تک اپڑ گئی اے تے روگیاں دی گنتی ہزاراں وچ۔اجے تیکر دے آنکڑیاں مطابق سبھ توں ودھ موتاں نیویارک وچ ہوئیاں نیں۔سائنسداناں نے ایس دے حوالے نال وی کھوج جاری رکھی ہوئی اے کہ امریکا دیاں باقی ریاستاں وچ ایتھے ای سبھ توں ودھ خطرا اے چار ہزار دے لگ بھگ لوکاں دی پچھلے دیہاڑ ای موت ہوئی اے۔ڑجیانگ یونیورسٹی دی کھوج نال ایہ گل ساہمنے آئی اے کہ 19قسم دے کرونا وایرس دیاں قسماں ساہمنے آ چُکیاں سن کیوں جے ایس وایرس نال بیمار روگیاں دے لہو دے نمونیاں نال ایہ وی ثابت ہو گیا اے کہ ایہدیاں شکلاں بدلدیاں رہندیاں نیں۔گل ایتھے ای نہیں مُکدی اے سگوں ایہناں نے اپنی کھوج نال باقی مُلکاں وچوں وی نمونے منگوائے گئے نیں ایہ نمونے خاص طور تے ایشیا دے مُلکاں وچوں کرونا دے روگیاں دا نمونا حاصل کیتا گیا اے جس نال ہور یارھاں قسماں نوں وی بھالیا اے جس انکشاف نال پوری دُنیا وچ نویں بحث شروع ہو چکی اے۔ ایہ تبدیلی اکو ای عمر دے لوکاں وچ نہیں اے سگوں وکھ وکھ عمراں دے لوکاں دے وچ ایس دی شدت بدلی ہوئی ہوندی اے۔

چین دی ڑجیانگ یونیورسٹی کی پروفیسر ڈاکٹر لی لان جوآن تے اوہناں دی ٹیم نے بڑی کھوج نال کرونا وایرس بارے نویاں گلاں نوں لبھیا اے تے ایہناں دیاں وکھ وکھ قسماں دریافت وی کیتیاں نیں جو اگے چل کے روگیاں نوں ایس دے خطرے توں بچاون لئی وی فائدے مند ہوون گیاں۔ایس وایرس دا جنیاتی کوڈ تے ایہدے وچ ہوون والیاں تبدیلیاں نے سائنسداناں نوں نویں کھوج ول وی پریریا اے تے پہلی وار لیبارٹری وچوں کجھ اجہیاں وی خوبیاں لبھیاں نیں جہڑیاں جیون نوں نہیں مُکاندیاں نیں۔سائنسداناں دی کھوج نال ایہ وی کہنا اے کہ ایہدے وچ اینیاں تبدیلیاں پیدا کرن دی صلاحیت پیدا ہو چکی اے کہ ایہ ویلے دے نال نال ہور شدت اختیار کرن دی وی صلاحیت وی پیدا کر چکیا اے۔
کجھ سائنسداناں دی کھوج اے کہ ایہ وایرس پہلاں ای اکجھ روگیاں وچ موجود سن تے جدوں اوہ شدت اختیار کر گئیاں تے ڈاکٹراں نے ایس نوں کووڈ 19 سمجھ کے علاج کرنا شروع کر دتا جویں کہ ڈاکٹراں نے وی کرونا وایرس تے لہو وچ پہلاں ای موجود وایرس دا علاج اکو ای طرحاں کرنا شروع کر دتا اے۔ایس طرحاں ایہ وایرس ہور گھنجھلک ہوندا گیا۔ پروفیسر ڈاکٹر لی لان جوآن پہلا سائنسدان سی جہنے لاک ڈاؤن دا سجھاؤ دتا تے چین دی حکومت نے ایس نوں جنوری وچ عملی صورت وی دتی سی جدوں ایہ حدوں ودھ ہو گیا تاں ایس نال موتاں دا خطرا دو سو ستر گُنا ودھ ہو جانا اے تے ایہ وائرل اوسے طرحاں پوری دُنیا وچ وی تیزی نال کھلرنا شروع ہو جائے گا جِنی تیزی نال نیویارک وچ موتاں ہو رہیاں نیں۔کیوں جے ویلے دے نال نال ایہ زیادہ شکلاں بدلن لگ جاندا اے ہور تے ہور ایہ وی خبر آئی اے کہ چین وچ رمڈیسیور نامی دوا دا کرونا دے علاج لئی پہلا ٹرائل ناکام ہو گیا۔ رمڈیسیورنامی ایس دوا دے حوالے توں لوکاں وچ امید پائی جاندی سی کہ ایہ کارآمد ثابت ہووے گی۔ بی بی سی دی اِک رپورٹ دے مطابق عالمی ادارا صحت ولوں حادثاتی طور اُتے شایع ہون والے کجھ دستاویزات وچ چین وچ کیتے گئے رمڈیسیور دے ٹرائل دے ناکام ہون دا پتا لگا اے۔ دستاویزات وچ لکھیا گیا اے کہ ایس دوا دے استعمال نال نہ تے روگیاں دی حالت بہتر ہوئی تے نہ ای جسم وچ واریس دی ماترا گھٹ ہوئی۔ کرونا دے 158 روگیاں نُوں دوا تے 79 نُوں پلسیبو دِتا گیا‘ دوا لین والے روگیاں وِچ مَوت دی شرح 13.9 فیصد جد کہ پلسیبو لین والیاں دی مَوت دی شرح 12.8 فیصد رہی۔