شوبز چھڈنا یاں نہ چھڈنا میرا تے اللہ دا معاملا اے: عائزہ خان۔۔۔۔۔٭رویل نیوز٭

لاہور (نمائندا رویل) اداکارا عائزہ خان نے کہیا اے کہ حج دے دوران اکثر لوکاں نے شوبز چھڈن بارے پُچھیا تے اوہناں نے کہیا کہ ایہ میرا تے اللہ دا معاملا اے۔ میڈیا رپورٹ دے مطابق اداکارا دا کہنا اے کہ جدوں اوہناں دا کوئی ڈراما ہٹ ہوندا اے تے اوہ اپنیاں کامیابیاں نُوں بُہتا سنجیدگی نال نہیں لیندے کیوں جے اوہناں نُوں لگدا اے کہ اوہناں نُوں ایہدی عادت پے جاوے گی۔ اوہناں نے کہیا کہ زندگی وچ ایہو جہیا دور وی آندا اے کہ جدوں تُسیں اُتے جاندے او تے تھلے وی آندے او‘ ایس لئی اوہ اپنے آپ نُوں کدی بہت کامیاب تصور نہیں کردے۔ پچھلے ورھے حج بارے گل کردیاں ہویاں اوہناں نے دَسیا کہ دانش دے نال حج اُتے گئی تے لوکاں نُوں اوہناں نُوں پرکھدیاں پایا۔