kraamaat@gmail.com
+ +92 333-430-6384


پاکستان وچ کرونا نال  روگیاں تے ہلاکتاں دی تعداد وچ لگاتار وادھا.....٭رویل نیوز٭


نمائندا رویل April 30, 2020


اسلام آباد (نمائندا رویل) پاکستان وچ کرونا وایرس نال واصل ہون والے بندیاں دی گنتی 327 ہو گئی جد کہ کرونا دے روگیاں دی گنتی 14 ہزار 885 تک پہنچ گئی اے۔ دوجے پاسے کرونا وایر سنال پوری دنیا وچ 31 لکھ 38 ہزار توں ودھ بندے متاثر ہوئے نیں۔ نیشنل کمانڈ اینڈ اپریشن سنٹر ولوں جاری کردا آنکڑیاں دے مطابق پاکستان وچ پچھلے 24 گھنٹیاں دے دورا ن 588 کیسز تے 26 مَوتاں رپورٹ ہوئیاں نیں۔ پنجاب وچ کرونا دے ہُن تک سبھ توں ودھ 5 ہزار 827 کیسز رپورٹ ہوئے نیں۔ سندھ وچ 5 ہزار 291‘خیبر پختونخوا 2160‘ بلوچستان 915‘ اسلام آباد 297‘ ازاد کشمیر 65 تے گلگت بلتستان 330 بندیاں وچ وایرس دی تصدیق ہوئی اے۔ پاکستان وچ ہُن تک کرونا وایرس دے 3 ہزار 425 روگی صحت یاب وی ہوئے نیں جد کہ 78 بندیاں دی حالت ماڑی اے۔ دوجے پاسے عالمی وباء کرونا کارن پوری دنیا وچ 31 لکھ 38 ہزار توں ودھ بندے متاثرہو گئے جد کہ 2 لکھ 17 ہزار توں ودھ بندے لقما اجل بن گئے نیں۔ پوری دنیا وچ کرونا نال متاثرا بندیاں وِچوں 9 لکھ 55 ہزار توں ودھ بندے صحت یاب وی ہو چکے نیں۔ امریکا وچ کرونا وایرس نال ہور 2456 بندے مَوت دے مونہ وچ چلے گئے جہدے بعد امریکا وچ مَوتاں دی گنتی 59 ہزار 200 توں ٹَپ گئی اے۔