نوا ز شریف دا علاج جاری‘ کرونا کارن سرجری  وچ دیر ٭نواز شریف ہائی رسک روگی‘ ہر طرحاں دی احتیاط لازم اے: مریم نواز۔۔۔۔٭رویل نیوز٭

لاہور (نمایندا رویل) مسلم لیگ (ن) دی آگو مریم نواز نے کہیا اے کہ اوہناں دے والد تے پارٹی قائد نوا ز شریف دا علاج جاری اے‘ اوہناں دی کرونا دے کارن سرجری ملتوی ہوئی اے۔ ٹویٹر اُتے صارف ولوں نواز شریف دی صحت دی تازاترین صورتحال بارے سوال دے جواب وچ مریم نواز نے کہیا کہ میاں صاحب دی سرجری کرونا کارن ملتوی ہوئی اے۔ ڈاکٹرز مطابق اوہ ہائی رسک روگی نیں ایس لئی ہر طرحاں دی احتیاط لازمی اے۔ اوہناں دا علاج جاری اے‘ تُسیں سارے رمضان کریم دیاں خصوصی دُعاواں وچ اوہناں نُوں یاد رکھو۔ مریم نواز نے کہیا کہ اج اسیں اوہناں ساریاں بندیاں نُوں سلام پیش کردے آں جہناں دا خون پسینا ساڈی زندگیاں دی روانی دا کارن اے۔ کرونا دی وجھا توں سبھ توں ودھ متاثر ساڈا مزدور طبقا ہویا اے۔ رمضان دے بابرکت مہینے وچ جدوں اللہ دیاں رحمتاں سمیٹن دا ویلا اے تے نیکیاں وچ سبھ توں عظیم نیکی مخلوق خدا دی تکلیف دور کرنا اے۔ ٭٭www.rvel.org