پنجاب دی گواچی رِیت

پنجاب دی گواچی رِیت

الیاس عباسی

قومیت پرستی دیاں وکھووکھ تعریفاں نیں ایہدے بارے سماج دے گوراں بہت کجھ لکھیااے جہڑاپڑھیاراں تے کھوجیاں لئی ، سماج نوں سمجھناسوکھاکردیندااے دنیادی تواریخ دسدی اے کہ وڈیاں قوماں اپنی زبان، اپنی رہتل پاروں مشہورنیںتےاجوکی دنیادی تواریخ دیاں کتاباں وچ ایہناں داذکرآوندااے سمیریادی تہذیب ہوں وے یاچینیاں دی ، بابل دی ہوں وےیاںپرشیادیایمپائر ہووے ، زمانے نال اوہو چل سکیاں جہناں تبدیلی نال اپنی ہوند نوں مرن توں بچائی رکھیا ساڈے ایس خطے چ انڈس ویلی ویلی تے ہڑپادی تہذیب دی تواریخ اینی ای پُرانی اے جِنی کہ انسان دی ۔ اپنے دیس وچ وسن آلیاں نوں ہمیش توں اپنی تواریخ نال پیارہوندااے ایسے لئی مقدونیانوں سکندراعظم تے مان رہندااے تے مصریاں نوں فرعونی تہذیب تے مان اے کیوں جے اوس سمے دنیادی وڈی طاقت مصردی سی تے اوہناں دی ایس بھرویں تواریخ ، اج دے مصرلئی خوشی داکارن اے میکسیکو آلیاں نوں مان اے کہ اوہ اودوں توں ایس دنیا دی بھلائی وچ اپناحصاپارہے نیں جدوں انسان غاراں توں نواں نواں نکل رہیاسی چینی تے اپنی تواریخ نال اینا کُوپیارکردے نیں کہ پئی اوہ ہن اپنی گواچی ہوئی تواریخ نوں واپس لیاون لئی ون بیلٹ تے ون روڈ پراجیکٹ تے کم تیزی نال کررہے نیں تے سی پیک وی ایسے کھیتر وچ ہون آلااک پراجیکٹ اے چینی اپنی تواریخ وچ اک وڈی طاقت رہ چُکے سن تے اج دی دنیا وچ ایس نوں فیر طاقت بنان لئی جتن کیتے جارہے نیں جے اسیں اپنے سماج ول جھات پائیے تاں ایتھے قِصاہی کجھ ہوراے اسیں کنفیوزآں کجھ لوکاں لئی تاں ساڈی تواریخ 712 دے بن قاسم دے حملیاں توں بعدوں دی اے تے کجھ داخیال اے کہ سانوں اپنی انڈس ویلی دی تہذیب تے ہڑپادی تہذیب تے مان ہوناچاہیدااے اجہے کئی تواریخ دے پڑھیاراں داخیال اے پنجاب تاں اوہ خُش قسمت خطاسی جتھے دنیادی پہلی یونیورسٹی پنجاب دے شہر ٹیکسلا وچ بنی ایس دھرتیوں وڈے وڈے عالم تے مشالچی نکلدے رہے تے پوری دنیا وچ انھیرے مُکاون دا کارن بنے انسان نوں سُدھارن لئی ، اوہنوں چنگے رستے پاون لئی، پنجاب دی دھرتی نے شاعرپیداکیتے اجہے لیڈرجمے ، جنہاں کروڑاں انساناں سچائی دارستاوکھایا تے آپسی بھائی چارے ، اک دوجے نال پیارتے سنگت ودھان وچ اپناحصاپایا۔ نانک ہوراں پنجاب وچ اصلاح دابیڑاچکیا تے ایتھوں دے شاعراں لوکائی لئی اپنیاں زندگیاں قربان کرچھڈیاں ایس دھرتی دے خمیر وچ لوکائی نال پیار تے جبر اگے کھلونا سکھایا اجوکے ویلے پاکستان داپنجاب بدل چکیا، اج دے پنجاب وچ مُلوانیاں دا قبضااے جہدے خلاف ایتھوں دے بُلھے ہوراں بغاوت کیتی رکھی اپنی ساری حیاتی لوکاں دے حق لئی اوازاُچی رکھی ، ایہ اوہ ویلا سی جہدوں کوئی یُواین ورگا کوئی ادارانہیں سی ، جہدوں کوئی ہیومن رائٹس ورگی شے نہیں سی ہوندی اودوں ایتھے ہون آلے ظلماں خلاف پنجابیاں نے بغاوت داجھنڈاچکی رکھیا، کتھے دُلابھٹی ورگے دلیروی سن جہڑے ظالم نوں روکناجاندے سن اودوں ایسے پنجاب وچ پیاردی بولی بولی جاندی سی کوئی جھگڑاتے مذہبی ونڈ نہیں سی ہوندی اج پاکستان وچ وسدے کروڑاں پاکستانی پنجابی اپنی ایس ریت نوں بھلائی بیٹھے نیں اج ات گردی عام اے اک دوجے دیاں دھوناں وڈھنا تے پنجابی کلچرداحصا نہیں سی ایتھوں دی سیکولرریت نوں کِس دی نظرلگ گئی ہن سبھے کیدو کیوں بن گئے نیں۔ اجہے کئی سوال آوندے نیں ، جدوں کوئی وی قوم اپنی تواریخ نوں بھُل جاوے یاں اپنی دھرتی نوں چھڈ کہ باہرلے پاسے دھیان کرے تے فیرہاراوس قوم دامُقدربن جاندی اے پنجابی بلھے نوں بھُل چکے نیں ، شاہ حسین تون جانکاری نہیں رکھ دے فرید تے نانک داسبق بھلائی بیٹھے نیں فیر کیویں ہوسکدااے کہ پنجاب اپنی جُڑت ول مُڑے اج اسیں ادھا تِتر تے ادھا بٹیر بن چکے ہاں اپنی پرانی تواریخ نوں یادرکھنا، اوہدے مان کرن دامطلب ایہ نہیں کہ تسیں مسلمان نہیں رہے گندھاراتہذیب تے ہڑپادی تہذیب تاں ایتھوں دے لوکاں دی سی اوہنوں یادکرکے ، پڑھ کے اسیں وی اگے ودھ سکنے آں مصریاں تے عراقیاں دی اپنی تہذیب تے مان دامطلب ایہ نہیں کہ اوہ مسلمان نہیں رہے اج چینی اپنی پُرانی تواریخ نوں اک واری فیر لیارہے نیں پوری مغرب دی دنیاچاہوندیاں وی ایس ہوند نوں ڈک نہیں سکدی

اج پاکستان وچ وسدے سندھیاں نے اپنی رہتل نال پیارکیتاہویااے اپنی سندھی زبان نال اوہناں داپیارسبھ دے ساہمنے اے سندھی انجینیر تے ڈاکٹر سندھی بولن تے مان کردااے تے ایہوکجھ پختوناں وچ وی اے اوہناں اپنی ماں بولی تے اپنے کلچر نوں سنبھالی رکھیااے اج پاکستان وچ ہون آلے کسے وی ناانصافی تے ظلم داالزام پنجاب تے پنجابیاں تے لگ دااے کوئی پشتون یاں بلوچ قوم پرست ماریاجائے یا ں فیر کوئی وی واقعا ہوجائے فورن پنجاب تے پنجابیاں نوں گالھاں پیندیاں نیں ایہناں قوم پرستاں تے ماڑیاں لئی اوازاُچی کرن والے وی پنجابی ہوندے نیں تے فیر وی گالھاں تے براسلوک ساڈے حصے کیوں آوندااے ؟ اسٹیبلشمنٹ داطعنا وی پنجاب نوں ملدااے جنرل ایوب خان ، جنرل یحیٰ خان توں لے کے جنرل مشرف تیکرپنجابی نہیں سن فیر پنجاب تے پنجابیاں نوں کیوں گالھ مل دی اے ایہناں نوں پنجاب دے واسی اعتزازاحسن ہوری کیوں نہیں دِسدے ؟ عاصمہ جہانگیرہوری کیوں نہیں دِسدی؟ جہڑے ہمیش نان پنجابیاں دی اواز بن دے نیں اجہے ہزاراں سوال نیں ، گل بس اینی اے کہ جدوں تسیں اپنی ماں بولی نوں بھُل جاوؑ، جہدوں تہانوں اپنی ماں بولی پاروں شرم آوے ، جہدوں تسیں اپنی رہتل بارے کنفیوزہوجاؤتے فیرذِلت توں بچنااوکھاہوجاندااے فیڈریشن تاں اک گُلدستاہوندااے تے ایہدے اندروسدے صوُبے تے اوہناں بولی جاون آلی بولیاں پھُلاں وانگ ہوندیاں نیں تے ہن ویلا آگیا اے کہ پنجابیاں نوں وی ایس حقیقت نوں چھیتی من لیناچاہیدااے کیوں جے تواریخ دسدی اے کہ جہڑاوقت نوں ناں منے فیر اوہ تواریخ دے پنیاں وچ کتھے گواچ جاندااے۔

٭٭٭٭٭