دساں کیہ میں عشقا تیرے تاپ دیاں
سدھراں ہر دم درشن نوں ورلاپ دیاں

پُترا کِنج ایہ سہرا تینوں بھجیا اے
چیتے کر مشقتاں اپنے باپ دیاں

حشر دیہاڑے دسوں کسراں کھولا گے
کاہنوں ایویں گنڈھاں بنئیے پاپ دیاں

اج تک تیرے ورگا اِک وی دِسیا نہیں
اکھاں رہیاں ایویں مکھڑے ناپ دیاں

سجنا باجھوں قسم خدا دی مینوں تے
سبھے کندھاں کوٹھے ڈیناں جاپ دیاں

اوہدی گلی دے پھیرے لاون لگ پیناں
ڈنگن نجمیؔ سوڑاں جد اکلاپ دیاں