kraamaat@gmail.com
+ +92 333-430-6384
نمائندا رویل
May 04, 2020
اسلام آباد (بیورو رپورٹ) پاکستان وچ چینی سفیر یاؤ جنگ نے امید ظاہر کیتی اے کہ پاکستان چھیتی کرونا وایرس دی وباء اُتے قابو پا لوے گا۔ کرونا وایرس دی وباء عارضی چیلنج اے۔ غیر ملکی ٹی وی نُوں انٹرویو دیندیاں ہویاں چینی سفیر نے کہیا کہ پاکستان وچ کرونا وایرس نال مَوتاں دی شرح گھٹ اے‘ پاکستان دی 60 فیصد آبادی 30 سال توں گھٹ عر نوجواناں اُتے مشتمل اے۔ اوہناں نے کہیا کہ پاکستان وچ کرونا وایرس نال متاثرا بُہتے روگی جوان نیں تے اوہناں وچ وی وایرس دیاں علامتاں ہلکیاں نیں‘ ایس لئی اوہناں دا علاج سوکھا اے۔ چینی سفیر نے کہیا کہ روایتی چینی طب وانگوں پاکستان وچ وی جڑی بوٹیاں نال کرونا وایرس دی روک تھام وچ مدد ملے گی۔
