عالمی بینک تے پنجاب سرکار وچ ڈیڈ لاک جاری،کنک دی خریداری متاثر ہو سکدی اے۔۔۔۔٭رویل نیوز٭

اسلام آباد (اُچیچا نمایندا رویل) عالمی بینک تے پنجاب سرکار دے وچکار کنک خریداری دے ہدف اُتے مذاکرات وچ ڈیڈ لاک برقرار اے جد کہ عالمی بینک نے پنجاب سرکار توں کنک خریداری وچ 2 تہائی کمی دا مطالبا کیتا اے تاں جے صوبائی حکومت اُتے مالی دباء وچ کمی لیاندی جا سکے۔ میڈیا رپورٹ دے مطابق ڈیڈ لاک دی وجھا توں عالمی بینک ولوں 30 کروڑ ڈالر دے قرضے اُتے ٹورا کاری وی سست روی دا شکار اے جہدی بینک 2 سال پہلاں منظوری دے چُکیا اے۔ ایس قرضے دے حصول لئی بنیادی شرط صوبے وچ کنک دے سرکاری ذخیرے 60 لکھ میٹرک ٹن توں گھٹ کر کے 20 لکھ میٹرک ٹن تک لیانا اے‘ فریقین نے اگست توں ستمبر تک وسط مدتی جایزے دے موقع اُتے ایس معاملے اُتے سیر حاصل بحث اُتے اتفاق کیتا اے تاں جے ڈیڈ لاک دا خاتما ہو سکے۔