کرونا دا ملکی معیشت اُتے تِکھا وارآئی ایم ایف نال رابطے کرن دا فیصلا،اگلے ورھے لئی بجٹ بنانا مشکل ہو گیا‘ تنخاہواں دینا وڈا چیلنج: وزارت خزانا۔۔۔۔٭رویل نیوز٭

اسلام آباد (نمایندا رویل)کرونا وایرس تے لاک ڈاؤن دے ملکی معیشت اُتے بدترین اثرات مرتب ہوئے نیں جہدی وجھا توں سال 2020-21 لئی بجٹ بنانا مشکل ہو گیا اے۔ وسیلیاں نے وزارت خزانا دے حوالے توں دَسیا کہ وفاقی تے صوبائی محصولات وچ 5 ہزار ارب دے مجموعی کسارے دا ساہمنا اے‘ ایس مجموعی کسارے دا کوئی توڑ نظر نہیں آ رہیا۔ حکومت نے آئی ایم ایف توں نال نویں پیکج اُتے مذاکرات دا حتمی فیصلا کر لیا اے‘ ایہ فیصلا مانیٹری اینڈ فسکل پالیسی کوآرڈینیشن بورڈ دے پچھلے دن ہون والے اجلاس وچ کیتا گیا اے۔ وسیلیاں دا کہنا اے کہ تنخاہواں دینا صوبیاں تے وفاق لئی سبھ توں وڈا چیلنج بن جاوے گا‘ نویں پیکج راہیں تماہی بنیاداں اُتے تنخاہواں لئی رقماں یقینی بنان دا فا رمولا بنایا جاوے گا۔