کرونا روگیاں لئی بیڈز دی کمی اُتے  تشویش اے: مریم اورنگزیب۔۔۔۔٭رویل نیوز٭

اسلام آباد (نمایندا رویل) ترجمان مسلم لیگ (ن) مریم اورنگزیب نے کہیا اے کہ کرونا دے روگیاں لئی پنجاب دے ہسپتالاں وچ بیڈز دی عدم دستیابی اُتے تشویش اے۔ پنجاب دے ہسپتالاں وچ کرونا وایرس دے روگیاں لئی بیڈز د ی کمی اُتے تشویش دا اظہار کردیاں ہویاں اپنے اِک بیان وچ مریم اورنگزیب دا کہنا سی کہ کرونا دی ودھدی گنتی تے ہسپتالاں وچ روگیاں لئی بیڈز دی عدم دستیابی پریشان کن اے۔ مریم اورنگزیب نے کہیا کہ حکومت بیان بازی تے پریس کانفرنساں دی بجائے ہسپتالاں دے انتظامی امور اُتے فوری توجا دیوے۔ اوہناں نے حکومت توں مطالبا کردیاں ہویاں ہور کہیا اے ہسپتالاں نُوں فوری بیڈز مہیا کیتے جان تے صورتحال نُوں سنجیدگی نال لیا جاوے۔