kraamaat@gmail.com
+ +92 333-430-6384


سعودی عرب جان لئی سفری قوانین ہور سخت کر دِتے گئے،کرونا دی منفی رپورٹ بغیر کوئی مسافر اُڈان اُتے سوار نہیں ہو سکے گا۔۔۔۔٭رویل نیوز٭


نمائندا رویل May 04, 2020


ریاض (نیوز ڈیسک) کرونا وایرس توں بچاء دے اقدامات دے پیش نظر سعودی عرب دی جنرل اتھارٹی ایوی ایشن ”گاکا“ نے لاک ڈاؤن دے دوران سفر کرن والیاں لئی قوانین ہور سخت کر دِتے۔ سعودی ایوی ایشن اتھارٹی ولوں جاری ایس او پی دے مطابق بیرون ملک توں آن والے ہر مسافر نُوں کرونا دا مشتبا روگی سمجھن دی ہدایت کیتی گئی اے‘ کرونا دی منفی رپورٹ دے بغیر کوئی مسافر سعودی اُڈان اُتے سوار نہیں ہو سکے گا۔ جے کسے مسافر وچ کرونا دیاں ظاہری علامتاں ہوئیاں تے اوہنوں جہاز وچ ای آئیسولیٹ کیتا جاوے گا‘ ایہدے علاوا سارے مسافراں لئی ہیلتھ ڈیکلیریشن فارم وی لازم متھ دِتا اے جہدے وچ دَسنا ہووے گا کہ مسافر کدی کرونا دا شکار ہویا یاں نہیں‘ مسافر ماسک پان گے۔