جدوں انسان ہمت ہار جاندا اےاوہ مُک جاندا اے،زندگی وچ جنیاں وی اوکڑاں آن ہمت نہ ہارو: مایا علی۔۔۔۔رویل نیوز

لاہور (نیوز ڈیسک) اداکارا مایا علی نے کہیا اے کہ زندگی وچ جنیاں وی اوکڑاں آن کدی ہمت نہ ہارو‘ جتھے انسان ہمت ہار جاندا اے اوتھے اوہ مُک جاندا اے۔ مایا علی نے سوش میڈیا اُتے اپنی پوسٹ وچ مداحاں نُوں مخاطب کردیاں ہویاں کہیا کہ زندگی وچ ایہو جہے لمحات آندے نیں جدوں اسیں اندروں ٹُٹ جاندے آں‘ ایہو جہیا پھَٹ لگدا اے جہڑا نظر نہیں آندا پر روح تک زخمی ہو جاندی اے۔ اوہناں نے کہیا کہ میں بہت وار اندروں ٹُٹ چکی آں‘ بہت وار ڈِگی آں پر میں فیر وی اپنے آپ نُوں سانبھدی آں‘ مشکل گھڑی وچ اپنے آ پ نُوں سنبھالدی آں تے ایہنوں اللہ ولو ازمایش سمجھدی آں۔