حکومت میڈیا نُوں نَپن توں باز آ جاوے: بلاول زرداری۔۔۔۔رویل نیوز

کراچی (نمایندا رویل) پاکستان پیپلز پارٹی دے چیئرمین بلاول بھٹو زرداری نے کہیا اے کہ وفاقی حکومت میڈیا نُوں نَپن والیاں کوششاں توں باز آ جاوے۔ چیئرمین پیپلز پارٹی بلاول بھٹو زرداری نے اپنے جاری کردا اِک بیان وچ کہیا کہ میڈیا نُوں نَپن دیاں کوششاں دا مقصد میڈیا نُوں اپنے مخالفین اُتے جبر لئی اِک آلے دے طور اُتے استعمال کرنا اے۔ اوہناں نے کہیا کہ پاکستان تحریک انصاف حکومت دے دوران پریس دی ازادی دی سالانا درجا بندی وچ تنزلی ہوئی اے۔ پاکستان وچ صحافیاں نے ازادی صحافت لئی بڑیاں قربانیاں دِتیاں نیں۔