صحافت بغیر جمہوری  سفرنامکمل اے: شہباز شریف۔۔۔۔رویل نیوز

لاہور (نمایندا رویل) قومی اسمبلی وچ قائد حزب اختلاف شہباز شریف نے کہیا اے کہ صحافت دے بغیر جمہوریت نامکمل اے۔ ایتوار والے دن قائد حزب اختلاف شہباز شریف نے صحافت دے عالمی دیہاڑ اُتے جاری کردا اپنے بیان وچ کہیا کہ صحافت ریاست دا چوتھا ستون تصور ہوندا اے تے رائے دی ازادی بنیادی آئینی حق اے‘ ایہنوں سلب کرنا آئین نال غداری وانگوں اے۔ اوہناں نے کہیا کہ میڈیا معاشرے دا آئینا اے جہدے وچ عکس ویکھ کے اصلاح دا موقع ملدا اے تے میڈیا دا آئینا توڑن دی حماقت کرن والے حکمران ہمیشا پچھتائے۔ شہباز شریف نے کہیا کہ پاکستان وچ ازادی اظہار رائے لئی اہل صحافت نے جدوجہد دی شاندار تواریخ رقم کیتی اے۔