اداکار شان شاہد نُوں کراچی دی یاد ستان لگی، کراچی دا کھانا تے ساحلِ سمندر بہت زیادا یاد آ رہیا اے: اداکار ۔۔۔۔رویل نیوز

لاہور (نمایندا رویل) پاکستانی فلم انڈسٹری دے منجھے ہوئےاداکار شان شاہد نے اپنے اِک سوشل میڈیا پیغام راہیں دَسیا کہ اوہناں نُوں کراچی دی بہت یاد آ رہی اے۔ حال ای وچ لالی ووڈ دے نامور اداکار شان شاہد نے مائیکرو بلاگنگ سائٹ ٹوئٹر اُتے اپنی اِک تصویر شیئر کردیاں ہویاں لکھیا کہ ”مینوں کراچی دی بہت یاد آ رہی اے۔‘ اداکار نے شہر قائد دیاں خصوصیاں نُوں یاد کردیاں لکھیا کہ ”کراچی دے لوکاں دی مہارت‘ اوتھوں دا کھانا تے خاص طور اُتے شہر دا ساحلِ سمندر بہت ای زیادا یاد آ رہیا اے۔“ اوہناں نے کراچی دی سلامتی لئی دُعا کردیاں ہویاں لکھیا کہ ”میرا خوبصورت شہر کراچی ہمیشا سلامت رہے؟ آخر وچ اوہناں نے لکھیا کہ ”میرا اللہ ساڈی ساریاں دی حفاظت کردا اے۔