عمران خان دی سمجھداری دی وجھا توں حکومت نُوں فنڈز مل رہے نیں ٭مریم نواز ہُن ٹویٹ کیوں نہیں کر رہی٭پندرھویں روزے توں بعد کاروبار نہ کُھلے تے سفید پوش مر جاون گے: وفاقی وزیر ریلوے شیخ رشید۔۔۔۔۔٭رویل نیوز٭

اسلام آباد (نمائندا رویل) وفاقی وزیر ریلوے شیخ رشید نے کہیا اے کہ عید دے بعد بھارت نال سرحدی جھڑپ ہو سکدی اے سانوں تیار رہنا پوے گا‘ 15 رمضان تک کاروبار نہ کھولیا گیا تے سفید پوش لوک مر جان گے‘ آٹا کھنڈ رپورٹ دی فرانزک رپورٹ وچ جہڑا وی آ گیا عمران خان نہیں چھڈے گا‘ دنیا اِک جہانگیر ترین دی گل کردی اے جے 10 جہانگیر ترین وی ہون تے کارروائی ہووے گی‘ نیب قانون وچ ایس ویلے کیتی گئی تے لوک ساڈے اُتے انگلیاں چُکن گے‘ اسیں ایس لئی کہندے آں کہ وکٹ دے دوہاں پاسے ٹارزن پھڑو‘ نیب قوانین وچ تبدیلی کیتی تے لوک کہن گے ساڈے اندر کمزوری سی‘اوہناں دا کہنا سی کہ لوک مریم نواز توں کیوں نہیں پُچھے کہ ہُن ٹویٹ کیوں نہیں آندے‘ قوم مریم نواز توں پُچھے کیہ معاہدا اے ٹویٹ کیوں نہیں کر رہے‘ مریم نواز توں پُچھو جدوں اوہ جیل وچ سن تے اوہناں نُوں فون کہنے دِتا سی۔ اِک انٹرویو وچ اوہناں نے کہیا کہ ہر پارٹی تے حکومت وچ 3`3 لوک نیں جہڑے ہور طاقتور ہو گئے‘ مافیا مضبوط ہوندا گیا۔ شیخ رشید نے کہیا کہ علی بابا تے 40 چور ملے رَلے ہوئے نیں‘ عمران خان کلی امید نیں اوہ ای ایس مافیا نُوں ختم کرن گے‘ جے اوہناں توں امید پوری نہ ہوئی تے فیر اللہ ای جاندا اے۔ اوہناں نے کہیا کہ وزیراعظم عمران خان صاف کَہ چکے نیں کہ وہ کسے نُوں نہیں چھڈن گے۔ فاقی وزیر نے دَسیا کہ ٹریناں بند ہون نال 5 ارب رُپئے دا مہینا نقصان ہو رہیا اے‘ جے حالات ایہو رہے تے جون دیاں تنخاہواں دین لئی پیسے نہیں نیں‘ حکومت تنخاہواں ادا کرے گی۔ اوہناں نے کہیا کہ وزیراعظم عمران خان دی سمجھداری دی وجھا توں حکومت نُوں فنڈز مل رہے نیں۔ شیخ رشید نے کہیا کہ وزیر اعظم عمران خان نے قوم نُوں وڈے بحران توں کڈھیا اے‘ وزیراعظم عمران خان تے فوج ایس ویلے اِک دوجے دے نال نیں‘ 4 آرمی چیف دے نال کم کرن والے بندے نُوں وزارت اطلاعات وچ گھلیا اے تں جے اوہ میڈیا ٹھیک کرے۔ وفاقی وزیر شیخ رشید احمد نے دَسیا کہ بھارتی فوج وچ وی کرونا وایرس کھلر گیا اے‘ مودی اوہناں نُوں واپس بلا رہیا اے‘ اوہناں نے عندیا دیندیاں ہویاں کہیا کہ مودی روز پاکستان اُتے الزام لا رہیا اے‘ 2 مہینیاں وچ چھوٹی موٹی جھڑپ ویکھ رہیا آں‘ عید دے بعد بھارت نال سرحدی جھڑپ ہو سکدی اے‘ سانوں تیار رہنا چاہیدا اے۔ اوہناں نے کہیا کہ مودی بہت مستی وچ گھُم رہیا اے تے اوہنوں پاکستان نال مستی کردا ویکھ رہیا آں پر مودی نُوں پاک فوج دی طاقت دا اندازا نہیں اے‘ بھارت وچ مسلمان جاگے تے فیر انڈیا دی خیر نہیں۔