عقائد دی وجھا توں ظلم ڈھائے جان گے اتے اللہ دی پکڑ ہووے گی: اداکار حمزہ علی عباسی۔۔۔۔٭رویل نیوز٭

لاہور (شوبز نیوز رویل) اداکار حمزہ علی عباسی انجینئر محمد علی مرزا دی حمایت وچ ساہمنے آگئے۔ فیس بک اُتے جاری اِک پیغام وچ حمزہ علی عباسی نے کہیا کہ میں اپنے مذہب وچ موجود منافقاں نُوں کہنا چاہندا آں کہ کسے دے عقیدیاں دی وجھا توں ظلم ڈھائے جان گے تے اللہ دی پکڑ ہووے گی‘ سارے منافق اللہ دے کول جواب دہ ہون گے۔ حمزہ علی عباسی نے ہور کہیا کہ انجینئر محمد علی مرزا دی گرفتاری ساڈے لئی جاگ اُٹھن دا اِک موقع اے۔ اوہناں نے سوال چُکدیاں ہویاں کہیا کہ کیہ اسیں اج دے منافقاں دے ظلم نُوں برداشت کردے رہواں گے؟ ایس توں پہلاں ایف آئی درج ہون دے بعد انجینئر محمد علی مرز ا نُوں گرفتار کر لیا گیا سی۔