کرونا وباء بد ترین حالت پیدا کر رہی اے،ایہ جنگ ان ویکھے دشمن دے خلاف اے:ٹرمپ۔۔۔۔۔٭رویل نیوز٭

وائٹ ہاؤس (نیوز ڈیسک) صدر ٹرمپ نے کہیا اے کہ امریکا لئی ایہ وباء 11ستمبر دے حملیاں تے دوجی جنگ عظیم دے دوران پرل ہاربر اُتے جاپانی حملے توں کدھرے بُہتی نقصان دہ ثابت ہوئی اے۔ وائٹ ہاؤس وچ صحافیاں نال گل کردیاں ہویاں صدر ٹرمپ نے کہیا کہ ایہ صورتحال ”پرل ہاربر توں کدھرے بدتر اے۔ ورلڈ ٹریڈ سینٹر توں کدھرے بدتر اے۔ ایس طرحاں دا حملا پہلے کدی نہیں ہویا‘ ایہ بلکل نہیں ہونا چاہیدا سی۔ اوہناں نے کہیا کہ چین نُوں چاہیدا سی کہ وایرس نُوں اوتھے روکدا پر اوہناں دے بقول ”انج نہیں ہویا“۔ واضح رہوے کہ امریکی حکومت کرونا نال پیدا ہون والے عالمی بحران لئی بیجنگ نُوں موردا الزام ٹھہراندی اے تے چین دے خلاف قانونی چارا جوئی اُتے غور کر رہی اے جد کہچ ین دا کہنا اے کہ امریکی قیادت جھوٹھ بول کے اپنیاں نا اہلیاں توں توجا ہٹان دی کوشش کر رہی اے۔ صدر ٹرمپ نے کہیا کہ ایہ صورتحال ”پرل ہاربر توں کدھرے بدتر اے۔ صدر ٹرمپ توں پُچھیا گیا کہ کیہ اوہ ایس وباء نُوں امریکا دے خلاف اقدام جنگ سمجھدے نیں؟ جواب وچ امریکی صدر نے وضاحت کیتی کہ اوہناں دی نظر وچ دشمن ایہ وباء اے‘ نہ کہ چین۔ اوہناں نے کرونا وایر س دے حوالے توں کہیا کہ ”ایہ جنگ ان ویکھے دشمن دے خلاف اے“۔