لاک ڈاؤن وچ نرمی دا فیصلا مشاورت نال کیتا: عثمان بزدار۔۔۔۔۔٭رویل نیوز٭

لاہور (نمائندا رویل) وزیر اعلا پنجاب سردار عثمان بزدار نے کہیا اے کہ لاک ڈاؤن نُوں مرحلا وار نرم کرن دا فیصلا اجتماعی مشاورت نال کیتا گیا اے تے عام بندے دیاں زندگیاں وچ آسانیاں پیدا کرن لئی متفقا فیصلے کیتے گئے نیں۔ پنجاب سرکار نے وفاق تے ہور صوبیاں دے نال اتفاق رائے نال فیصلے کیتے نیں۔ کنسٹرکشن نال جڑیاں صنعتاں تے متعلقا دُکاناں‘ پائپ ملز‘ سرامکس‘ سینٹری ویئرز‘ پینٹس‘ الیکٹریکل کیبلز‘ سوئچ بورڈ‘ سٹیل‘ ایلومینیم دیاں صنعتاں نُوں کم کرن دی اجازت ہووے گی۔ ہارڈ ویئر سٹو ر‘ صوبے وچ چھوٹیاں مارکیتاں تے دُکاناں کھولن دا وی فیصلا کیتا گیا‘ چھوٹیاں مارکیٹاں تے دُکاناں صبح فجر توں شام 5 وجے تک کھلیاں رہن گیاں جد کہ مارکیٹاں ہفتے وچ 2 دن بند رہن گیاں۔