نظم

آجا ہنجو ہنجو کھیڈئیے
قوّراں وچوں کڈھ کے ہاہواں
اپنےگل لمکائیے

آجا سورج سورج کھیڈئیے
تیرا سورج مر جاوے جے
چانن ہڈ ہنڈائیے

آجا مٹی مٹی کھیڈئیے
سک جاوے جے میری مٹی
تیرا دھن بنائیے

آجا چانن چانن کھیڈئیے
بُکاں دے وچ لے کے چن نوں
باری بہ ورتائیے

آجا ہاسا ہاسا کھیڈئیے
تیرا ہاسا بُجھ جاوے جے
دھرتی دکھ الائیے

آجا عشقا عشقا کھیڈئیے
میرا دل جے چِر وی جاوے
سانجھا سکھ نبھائیے

آجا سُفناسُفناکھیڈئیے
جے کر چوری ہوون تیرے
دُھپاں اکھ سجائیے