لاڑھے نے ویاہ توں پہلاں خُد کشی کیوں کیتی،پُن چھان جاری

24 ورھے دے لاڑھے نے ویاہ توں کُجھ منٹ پہلاں خدکشی نویں دِلی(نیٹ نیوز)بھارت وچ ویاہ دی تقریب ماتم وچ بدل گئی۔ لاڑھے نے ویاہ توں کُجھ منٹ پہلاں شادی ہال وچ خدکشی کر لئی۔تفصیل دے مطابق 24ورھیاں دے سافٹ ویر انجینئر نے اپنے ویاہ والے دن ہال دے میک اپ روم وچ پکھے نال لٹک کے خدکشی کر لئی۔ بھارتی میڈیا دے مطابق شہر حیدر آباد دے شادی ہال وچ 24ورھیاں دے سندیپ دا ویاہ سی۔پر ویاہ والے دن میک اپ روم وچ جان مگروں جدوں سندیپ باہر نہ آیا تے اوہدا بوہا توڑیا گیا، بوہا توڑن مگروں ویکھیا گیا کہ سندیپ دی لاش پکھے نال ٹنگی ہوئی اے۔ایس موقعے اُتے سندیپ نوں ہسپتال لیجایا گیا، جتھے اوہدے مرن دی تصدیق ہوئی۔دوجے پاسے پولیس دا آکھنا اے کہ خدکشی دی وجھا ساہمنے نہیں آ سکی ، پر پولیس ایس بارے پُن چھان کر رہی اے۔