kraamaat@gmail.com
+ +92 333-430-6384


غزل


سلیم نجمی May 09, 2020


ہریاں بھریاں ٹھنڈیاں ٹھنڈیاں چھاواں نال
گھرتے سوہنا لگدا اے بس ماواں نال

وسدے گھر دی ویکھ نشانی ہُندے نیں
جیکرہوون بھرے بنیرے کاواں نال

جگ دا میلہ اونا چر ای ہوندا اے
چلدے رہندے جد تک ساہ نیں ساہواں نال

عشق دُکانوں جھولی بھرنی پیندی اے
مُڑ مُڑ ہنجو ہوکے تے بس ہاواں نال

کِسے بلا دا بھورا ڈر نہیں رہندا اے
ماں تے پیو دیاں جیکر ہون دُعاواں نال

ایتھے یوسف اَٹیاں دے بھاہ وِکدے نیں
ایتھے کیہ کیہ کردے ویر بھرواں نال

کنج ہتھاں نوں قسمے ہتھ پئے کھاندے نیں
نجمیؔ ویکھ لیا اےاَج نگاہواں نال

جئہپ.jpg