وِیہ (20) کلو آٹے دا تھیلا پینتی توں چالھی رُپئے مہنگا۔۔۔۔٭رویل نیوز٭

لاہور (نمایندا رویل) پاکستان فلور ملز ایسوسی ایشن نے آٹے دی قیمت وچ وادھے دا باقاعدا اعلان کر دِتا اے‘ 20 کلو آٹے دا تھیلا 35 توں 40 رُپئے مہنگا کر دِتا گیا اے‘ نویاں قیمتاں دا اطلاق اج (پیر) توں ہووے گا۔ پاکستان فلور ملز ایسوسی ایشن دے چیئرمین پنجاب زون عبدالرؤف مختار نے کہیا اے کہ 20 کلو آٹے دا تھیلا 805 توں ودھ کے 840 رُپےء دا ہو جاوے گا۔ اوہناں نے کہیا کہ آٹے دی قیمت وچ وادھا کنک مہنگی ہون کارن کیتا جا رہیا اے‘ ایس ویلے اوپن مارکیٹ وچ کنک دی قیمت 1450 رُپئے فی من ہو گئی اے۔