ارتغرل غازی پاکستان وچ ترکی توں وی ودھ مقبول،پہلی قسط نُوں یوٹیوب اُتے 1 کروڑ 41 لکھ توں ودھ وار ویکھیا گیا...٭رویل نیوز٭

اسلام آباد (نمایندا رویل) وزیراعظم عمران خان دی ہدایت اُتے ترکی دا مقبول ترین تواریخی ڈراما ارتغرل غازی پاکستان دے سرکاری نشریاتی ادارے پی ٹی وی ہوم اُتے نشر کیتا گیا جہنے ریکارڈ توڑ کامیابی حاصل کیتی۔ ترکی دے تواریخی ڈرامے دی پہلی قسط نُوں پہلی رمضان نُوں نشر کیتا گیا سی جہدے بعد سوشل میڈیا اُتے ہر تھاں ایس ڈرامے دے چرچے زبان زد عام نیں۔ ڈرامے دی مقبولیت وچ تیزی نال وادھا ہون لگا تے ”ارتغرل غازی“ دے یوٹیوب چینل اُتے صرف 15 دن وچ 10 لکھ سسکرائبرز ہو گئے جد کہ ڈرامے نے پاکستان وچ سارے ریکارڈ توڑ دتے تے ایہدی پہلی قسط نُوں یوٹیوب اُتے اِک کروڑ 41 لکھ توں ودھ بندے ویکھ چکے نیں۔