لاک ڈاؤن وچ نرمی نہ کردے تے لوکائی دیاں اوکڑاں ہور ودھ جانیاں سن:محمود قریشی۔۔۔۔٭رویل نیوز٭

اسلام آباد (نمایندا رویل) وزیر خارجا شاہ محمود قریشی دا کہنا اے کہ پاکستان وچ حالے کرونا دا عروج آنا اے‘ اسیں جے لاک ڈاؤن نرم نہ کردے تے 2 کروڑ توں 7 کروڑ لوک خط غربت توں تھلے چلے جاندے‘ اج صوبائی تعصب دی بو آ رہی اے پر ہُن سندھ کارڈ نہیں صرف پاکستان کارڈ چلے گا‘ کرونا پوری دنیا لئی چیلنج‘ 18 ویں ترمیم دے بعد صحت دا شعبا صوبیاں نُوں منتقل ہو چکیا‘ وایرس نال نبڑن لئی سبھ نُوں کردار ادا کرنا پوے گا‘ کرونا وایرس دا چیلنج مشکل اے تے حقیقت اے کہ جنگ عظیم نالوں وی ودھ ہلاکتاں ہوئیاں نیں۔ڈپٹی سپیکر قاسم سوری دی صدارت ہیٹھ قومی اسمبلی دے اجلاس وچ کرونا اُتے بحث دوران خیالاں دا اظہار کردیاں ہویاں وزیر خارجا شاہ محمود قریشی نے کہیا کہ 18 ویں ت رمیم دے بعد سندھ وچ پیپلز پارٹی تے پنجاب وچ ن لیگ صحت دے شعبے دے ذمے دار سن‘ حکومت نے وباء دا مقابلا کرن لئی بنیادی فیصلے کیتے۔ شاہ محمود قریشی نے کہیا کہ بھارت وچ مودی دی آر ایس ایس حکومت مسلماناں نُوں کرونا دے کھلار دی ذمے دار متھ رہی اے‘ اسیں بھارتی نفرت اُتے مبنی نظریات دی مذمت کردے آں۔ اوہناں نے کہیا کہ ملک وچ ایران توں زائرین یاں تبلیغیاں نُوں وایرس دے کھلار دا ذمے وار متھنا درست نہیں اے۔ وزیر خارجا نے کہیا کہ ایہ تاثر بلکل غل طاے کہ صوبا سندھ نال زیادتی کیتی گئی اے‘ سبھ صوبیاں وچ احساس کفالت پروگرام اوہناں دے حصے مطابق دِتا گیا اے۔ شاہ محمود قریشی نے کہیا کہ بلاول بھٹو ولوں کہیا گیا کہ سندھ دے نال زیادتی کیتی جا رہیا ے‘ سندھ دے لوکاں نُوں 26 ارب رُپئے دی امداد دِتی جا چکیا ے‘ سندھ دے 23 لکھ خانداناں نُوں اسیں کفالت پروگرام دے چکے آں‘ جد کہ طبی سہولتاں وی اِکو جہیاں دِتیاں جا رہیاں نیں۔ شاہ محمود قریشی نے کہیا کہ سندھ حکومت نُوں ابادی دے تناسب نال سبھ توں ودھ حفاظتی کپڑے دِتے گئے جد کہ حفاظتی ماسک وی سندھ نُوں ہور صوبیاں دی نسبت ودھ دِتے گئے نیں۔ شاہ محمود قریشی نے کہیا کہ سندھ کارڈ یاں کسے ہور ایشو دی بجائے سانوں متحد ہون دی ضرورت اے۔ا وہناں نے کہیا کہ 75 ارب رُپئے بیروزگار ہون والیاں لئی مختص کیتے گئے‘ جد کہ بجلی دے بلاں وچ سارے صوبیاں نُوں ریلیف دِتا گیا اے۔ شاہ محمود قریشی نے کہیا کہ جے سمارٹ لاک ڈاؤن وچ جاناں دا ضیاع ہوندا اے تے نظرثانی دا اختیار رکھدے آں۔ وزیر خارجا نے کہیا کہ اوور سیز پاکستانی ہر مشکل ویلے اِک اواز اُتے مدد لئی تیار ہوندے نیں‘ جد کہ اوور سیز پاکستانیاں دی وطن واپسی لئی موقع ودھانے ہون گے۔اوہناں نے کہیا کہ کرونا وایرس دا چیلنج مشکل اے تے جدوں تک علاج ویکسین دی صورت وچ ساہمنے نہیں آندا اوس ویلے تک مختلف تجربیاں نال ایہنوں محدود کرن دی اسیں و ی کوشش کر رہے آں پر خیال ظاہر کیتا جا رہیا اے کہ 2 سال لگن گے‘ امریکا جہدا نظام صحت بہت جدید اے اوہدی صورتحال ایہ اے کہ اوتھے 80 ہزار توں ودھ مَوتاں ہو چکیاں نیں جد کہ برطانیا وچ 31 تے اٹلی وچ 30 ہزار توں ودھ مَوتاں ہو چکیاں نیں۔ اوہناں نے کہیا کہ جے ایہدے نال پاکستان ورگے ترقی پذیر ملک دا موازنا کریے جتھے نظام صحت وی کمزور اے‘ صحت دا شعبا بنیادی طور اُتے 2010 وچ تقسیم ہو چکیا اے تے ایہدی بنیادی ذمے داری 18 ویں ترمیم دے بعد صوبیاں نُوں منتقل ہو چکیاے۔ اوہناں نے کہیا کہ جدوں اسیں ایس بارے وچ گل کردے آں تے ایہ یاد رکھنا چاہیدا اے کہ سندھ وچ 12 سال توں پیپلز پارٹی دی حکومت اے جد کہ پچھلے 10 سال مسلم لیگ ن پنجاب وچ حکمرانی کردی رہی۔ اوہناں دا کہنا سی کہ آنکڑیاں دے مطابق پاکستان وچ انفیکشن تے مَوتاں دی شرح 2.17 فیصد اے جد کہ عالمی طور اُتے ایہدی اوسط ویکھیے تے ایہ 6.8 فیصد اے‘ پاکستان وچ حالے ساڈے ساہمنے چیلنج کرونا دے عروج دی صورت وچ آنا اے پر ایس ویلے تک اللہ دا کرم اے کہ اوہدی رحمت ساڈے اُتے اے۔ وزیر خارجا دے مطابق ساڈا جو خیال سی تے جہڑا پہلے اندازا لایا جا رہیا سی اوہدے تحت ہُن تک ساڈا صحت دا نظام تباہ ہو چکیا ہوندا