وزیراعظم ولوں فوری ڈیم تعمیراتی سرگرمیاں شروع کرن دی ہدایت،پاکستان وچ بھاشا ڈیم منصوبا عملی کم دے اغاز لئی تیار:۔۔۔۔۔٭رویل نیوز٭

اسلام آباد (نمایندا رویل) وزیراعظم عمران خان نُوں اِک اہم اجلاس وچ بریفنگ دِتی گئی اے کہ پاکستان وچ بھاشا ڈیم منصوبا عملی کم دے اغاز لئی تیار اے۔ وسیلیاں مطابق وزیراعظم دی صدارت ہیٹھ قومی واٹر سیکیورٹی سٹریٹجی تے ڈیمز دی اُساری بارے اہم اجلاس ہویا جہدے وچ وزیراعظم نُوں ڈیمز دی اُساری اُتے بریفنگ دِتی گئی۔ اجلاس دوران وزیراعظم نے ہُن تک دی ٹورا کاری اُتے اطمینان دا اظہار کردیاں ہویاں فوری ڈیم دیاں تعمیراتی سرگرمیاں شروع کرن دی ہدایت کیتی۔ اوہناں دا کہنا سی کہ پانی دے ذخائر نُوں محفوظ بنانا موجودا حکومت دی پہلی ترجیح اے‘ ڈیماں دی اُساری نال توانائی دیاں لوڑاں نُوں پورا کرن وچ مدد ملے گی۔