حساس اداریاں تے رینجرز دی مدد نال کنک دی سمگلنگ روکی: عبدالعلیم۔۔۔۔۔٭رویل نیوز٭

لاہور (نمایندا رویل) سینئر وزیر خوراک پنجاب عبدالعلیم خان نے کہیا اے کہ پورے صوبے وچ کنک دی ذخیرا اندوزی دے خلاف سخت ترین کارروائیاں جاری نیں تے ایس گھناؤنے اقدام وچ ملوث عناصر دے خلاف بلا امتیاز کریک ڈاؤن کیتا جا رہیا اے۔ اوہناں نے دَسیا کہ محکما خوراک پنجاب نے مختلف ضلعیاں وچ 436 تھاواں اُتے چھاپے مارے نیں تے ہُن تک 33 ہزار 130 ٹن ذخیرا کیتی گئی کنک برآمد کر کے قبضے وچ لے لئی گئی اے تے ملزماں دے خلاف قانون دے تحت کارروائی عمل وچ لیاندی جا رہی اے۔