پنجاب اسمبلی: تحفظ ناموس رسالت دے حق وچ قرار داد منظور،اسیں سارے ناموس رسالت دے محافظ آں‘ ترمیم دی مخالفت کیتی اے: پرویز الٰہی۔۔٭رویل نیوز٭

لاہور (نیوز ڈیسک) پنجاب اسمبلی دا اجلاس سپیکر پنجاب اسمبلی چودھری پرویز الٰہی دی صدارت ہیٹھ اپنے متھے ویلے توں 1 گھنٹے توں ودھ دیر نال شروع ہویا۔اجلاس و چ پاکستان مسلم لیگ (ق) دی رکن اسمبلی خدیجہ عمر ولوں گرین انٹرنیشنل یونیورسٹی پرائیویٹ بل2020 تے حافظ عمار ولوں تحفظ ناموس رسالت دے حق وچ جمع کروائی گئی قرار داد وی متفقا طور اُتے منظور کر لئی گئی۔ قرار داد دے حوالے توں سپیکر چودھری پرویز الٰہی دا کہنا سی کہ اسیں سارے ناموس رسالت دے محافظ آں۔ وفاقی کابینا دے اکثر وزیراں نے ایس ترمیم دی مخالفت کیتی اے۔ اوہناں نے کہیا کہ صوبائی کابینا نے طے کیتا اے کہ جدوں تک قادیانیاں دا آگو نہیں مندا کہ اوہ غیر مسلم اے اوہدوں تک قادیانی کمیشن وچ شامل نہیں ہو سکدے۔