بجٹ:تنخاہواں‘ پنشن وچ 20 فیصد وادھے دی تجویز،حکومت ولوں پنشن لئی 530‘ تنخاہواں لئی 999 ارب  رکھن  اُتے غور۔۔۔٭رویل نیوز٭ _

اسلام آباد (اُچیچا نمایندا رویل) اگلے بجٹ وچ تنخاہواں تے پنشن وچ 20 فیصد وادھے دی تجویز پیش کر دِتی گئی۔ تفصیلات مطابق وفاقی حکومت ولوں اگلے بجٹ وچ تنخاہواں تے پنشن دی مد وچ 142 ارب رُپئے وادھو مختص کیتے جا سکدے نیں۔ دَسیا گیا اے کہ وفاقی حکومت ولوں تنخاہواں لئی 999 ارب رُپئے جد کہ پنشن لئی 530ارب رُپئے مختص کرن اُتے غور کیتا جا رہیا اے۔ گریڈ 21‘ 22 دے سول ملٹری افسراں دیاں تنخاہواں وچوی وادھا ہووے گا۔ دَسیا گیا اے کہ 2016‘ 2017‘2018 دے ایڈہاک ریلیف نُوں وی ضم کیتا جا سکدا اے۔ پے اینڈ کمیشن نُوں ہدایت کیتی گئی اے کہ اوہ مالی وسایل وچ رہندیاں ہویاں وفاقی بجٹ لئی عبوری سفارشاں پیش کرے تاں جے سرکاری ملازماں تے پنشنرز نُوں بجٹ وچ ریلیف دِتا جا سکے۔