سندھ سرکار اپنے مونہ میاں مٹھو بنن دی اعلا مثال: شہباز گل۔۔۔٭رویل نیوز٭

اسلام آباد (نمائندا رویل) پاکستان تحریک انصاف دے آگو تے حکومتی ترجمان شہباز گل نے کہیا اے کہ پیپلز پارٹی دی سندھ سرکار اپنے مونہ میاں مٹھو بنن دی اعلا مثال اے‘ دستیاب آنکڑے پیپلز پارٹی دیاں ناقص پالیسیاں تے نا اہلیاں دے عکاس نیں‘ وفاق نے صحت دیاں سہولتاں‘ روزگار دے تحفظ لئی 1200 ارب دا پیکج دِتا۔ سندھ سرکار دے ترجمان مرتضیٰ وہاب دی پریس کانفرنس اُتے حکومتی ترجمان شہباز گل نے رد عمل دا اظہار کردیاں ہویاں کہیا کہ مرتضیٰ وہاب دَسن کہ سندھ دی 10 ارب دی کنک کہنے غایب کیتی؟ وزیر موصوف دَسن کہ سندھ وچ 8 ارب دا راشن غایب کرن دا حساب کون دیوے گا؟ کتیاں دے وڈھن دے 93 ہزار واقعات تے ویکسین غایب‘ کہنوں قصور وار ٹھہراندے نیں؟۔