نواز شریف دا ناں ای سی ایل وچوں کڈھن دی منظوری مل گئی

اسلام آباد(نمائندا رویل)وفاقی کابینا نے سابق وزیر اعظم نواز شریف دا ناں ایگزٹ کنٹرول لسٹ(ای سی ایل ) وچوں کڈھن دی منظوری دے دتی اے۔وسیلیاں دے مطابق وزیر اعظم عمران خان دی قیادت ہیٹھ کابینا دا اہم اجلاس ہویا۔ اجلاس وچ نواز شریف دا ناں ای سی ایل وچوں کڈھن دی مشروط منظوری دتی گئی۔اجلاس وچ نواز شریف دے علاج لئی ملکوں جان بارے سکیورٹی بانڈز جمع کروان دا اکھیا گیا اے۔وسیلیاں دے مطابق ضمانت وزیر قانون فروغ نسیم ولوں اپوزیشن لیڈر شہباز شریف دے نمایندے کولوں منگی گئی اے۔چیتے رہوے کہ اج دا دیہاڑ نواز شریف واسطے ایہ چنگی خبر لے کے آیا کہ کابینا نے نواز شریف دا ناں ای سی ایل وچوں کڈھن دی منظوری دے دتی اے۔