kraamaat@gmail.com
+ +92 333-430-6384


پازیباں


صفیہ حیات May 13, 2020


پازیباں
صفیہ حیات


ماں تھاپی مار مار
کپڑے دھوتے
میں دَھپ دَھپ تے بڑا نچّی
ویڑھے بیٹھی
حُقا پیندی دادی
مینوں ویکھ ویکھ ہسی
میلے چوں
چاچے دی لیاندیاں پازیباں
وِیرے
میرے پیریں پائیاں
تے میں ہور وی نچّی
نچ نچ
میں سبھ دا دِل پرچایا
بوکر ، پاتھیاں ، بھانڈے میں بھج بھج کیتے
جوان کڑی نچدی چنگی نہیں لگدی
ایہ کہہ کے
دادی میریاں پازیباں کھوہ لیئاں
میں اندرو اندری مر گئی۔

٭٭٭٭٭