بیکس بٹالوی ۔۔۔۔فیصل آباد دا جانیا پچھانیا ناں/شبیر احمد قادری

بیکس بٹالوی ۔۔۔۔فیصل آباد دا جانیا پچھانیا ناں

لکھت: شبیر احمد قادری

بیکس بٹالوی فیصل آباد وچ پنجابی شاعری دا اک جانیا پچھانیا ناں ،اوہناں دا اصل ناں محمد ابراہیم سی ،اوہناں دی بہتی اٹھک بیٹھک سر کڈھویں پنجابی شاعر شوق عرفانی ہوراں دے ادبی ڈیرے تے سی جہڑا چنیوٹ بازار فیصل آباد دی اک گلی وچ سی ۔ایہ پنجابی ادبی محاذ تے پاکستان راٹرز گلڈ فیصل آباد دا دفتر وی سی ۔مشاعرے تے جمعے دے جمعے ہوندے سن پر شوقول صاحب دی محبت پاروں ادیب شاعر ہر ویلے آندے جاندے رہندے سن ۔ہمیش بیٹھن والیاں وچ قمر لدھیانوی ،نور محمد نورکپور تھلوی ،عبیر ابو ذری، بسمل شمسی ،احمد شہباز خاور شامل سن ۔مینوں وی موقعا ملدا رہیا ایہناں بزرگاں نال بیٹھن داخل ، بیکس بٹالوی داخل اک شعری پراگا " سوچ اُڈاری" دے سرناویں ہیٹھ چھپیا ایہ شعری پراگا شہزاد بیگ ہوراں اکاٸ پبلشرز ولوں ١٩٩٧ ٕ وچ شایع کیتا ،

عظمت عباسی عرفانی دی راۓ موجب نظم ، غزل دے نال نال نعت شریف وچ وی اپنے دیس دی بولی دا اک اک لفظ موتی وانگر جڑ دیندے نیں ،اشرف اشعری ہوراں دا کہنا اے اوہناں دی شاعری دُرِ نایاب وانگوں چمکاں ماردیاں ہویں ہر اَدب دے پڑھنہار دا دل موہن لیندی اے ،زلفی سید اوہناں دے بے ساختا پن دا ذکر کر دے نیں۔ سوچ اڈاری وچ راقم دا لکھیاتبصرا وی شامل اے بیکس بٹالی ہوراں اپنے سمے تے آل دوال دی شاعری کیتی اے ۔سمے دا آشوب بیان کر دیاں ہویاں اوہناں دے بُلھاں تے تھوڑی بہتی کڑتن وی گھٹ جاندی اے تے اوہو آپ وی بڑے دُکھی تے غم زداہو جاندے نیں۔

سدھا سادا بندا واں میں سدھیاں گلاں کردار ہاں

سجناں اپنے دکھ پچاۓ ہنستے پرچھاویوں ڈرداواں

بیکس بٹالوی دی شاعری وچھڑے دی شاعری اے۔اوہناں نوں جہڑا دکھ وی اے اوہ ایس وچھوڑے دی ای دین اے تے جاننے والے جان دے نیں پئی سچی محبت کرن والا تے چنگا شاعر ایس وچھڑے وچ ای خش تے مطمئن رہندا اے ۔بیکس بٹالوی دی شاعری وی کدی ناں پوریاں ہونی والیاں سدھراں دی شاعری اے ۔اوہناں دی شاعری وچ شہراں دی مشینی زندگی دی گل کتھ وی مل دی اے تے نال ای پنڈاں تھاواں دے وگ دے کھوہاں سخر دُپہریں پٹھے کتر دے لوکاں دا احساس دا وی بڑا سوہنا بیان ملد ا اے۔