یارھاں کروڑ پاکستانیاں دے حساس ڈیٹا دی چوری،سندھ ہائیکورٹ نے  اداریاں نُوں نوٹس جاری کر دِتے۔۔۔۔٭رویل نیوز٭

کراچی(نمائندا رویل سندھ ہائیکورٹ نے ساڈھے 11 کروڑ پاکستانیاں دا حساس ڈیٹا ڈارک ویب اُتے ویچن بارے وفاقی وزارت داخلا‘ سیکرٹری آئی ٹی ڈیپارٹمنٹ نادرا تے ہوراں نُوں نویں سرے توں نوٹس جاری کر دِتے۔ جسٹس محمد علی مظہر تے جسٹس یوسف علی سعید اُتے مشتمل دو رکنی بینچ دے ساہمنے ساڈھے 11 کروڑ پاکستانیاں دا حساس ڈیٹا ڈراک ویب اُتے ویچن بارے طارق منصور ایڈووکیٹ دی درخاست اُتے سنوائی ہوئی۔ عدالتی نوٹس دے باوجود فریقین نے جواب جمع نہیں کروایا۔ پی ٹی اے دے وکیل ولوں جواب جمع کروان لئی مہلت منگن اُتے عدالت برہم ہو گئی۔ جسٹس محمد علی مظہر نے ریمارکس دِتے کہ پاکستانی لوکائی دا حساس ڈیٹا چوری ہونا انتہائی سنجیدا معاملا اے‘ ادارے کیہ کر رہے نیں؟۔