آٹا‘ کھنڈ چور وزیراں نُوں پروموٹ کر دِتا گیا: مشاہد اللہ۔۔۔٭رویل نیوز٭

لاہور (نمایندا رویل) مسلم لیگ (ن) دے آگو مشاہد اللہ نے کہیا اے پوری دنیا کرونا دی ولھیٹ وچ اے‘ دوہاں ایواناں دے اجلاس ختم ہو جان گے‘ وزیراعظم نہیں آن گے‘ آٹا کھنڈ چور وزیراں نُوں پروموٹ کر دِتا نیں۔ جمعرات نُوں مشاہد اللہ نے سینٹ اجلاس نال خطاب وچ کہیا کہ آٹا چور‘ کھنڈ چور وزیراں نُوں پروموٹ کر دِتا گیا۔ کہیا جاندا اے سیاست نہ کرو‘ جویں سیاست کوئی گالھ ہو گئی‘ سیاستدان آں‘سیاست تے کراں گے۔ اوہناں نے کہیا کہ کھنڈ دی قیمت 40`40 رُپئے فی کلو ودھا دِتی‘ جو غریب اُتے بھار اے‘ آٹے دی قیمت ودھ گئی‘ مہینے لنگھ گئے چکر دِتے جا رہے نیں‘ اج کَہیا جا رہیا اے اشرافیا نے لاک ڈاؤن لایا‘ حکومت آپ اشرافیا اے‘ ساری اشرافیا کابینا وچ بیٹھی اے۔