اپوزیشن نے کرونا بارے کیہ پلان بنایااے؟،اپوزیشن چاہندی اے پورے ملک وچ لاک ڈاؤن لا دِتا جاوے: شبلی فراز۔۔۔٭رویل نیوز٭

لاہور (نیوز ڈیسک) وفاقی وزیر اطلاعات و نشریات شبلی فراز نے سوال چُکیا اے کہ مکمل لاک ڈاؤن دا کہ_V والی اپوزیشن دَسے کہ اوہنے کرونا وایرس بارے کیہ پلان ترتیب دِتا اے۔ وزیر اطلاعات دا کہنا سی کہ کیہ اپوزیشن چاہندی اے کہ پورے ملک وچ لاک ڈاؤن لا دِتا جاوے۔ اوہناں نے کہیا کہ اسانی نال کَہ دِتا جاندا اے کہ مکمل لاک ڈاؤن کیتا جاوے‘ اپوزیشن دَسے کہ اوہناں دا کووڈ 19پلان کیہ اے؟ شبلی فراز نے ایہ وی سوال چُکیا کہ سندھ سرکا ر نے مسیتاں وچ نمازیاں دی آمد اُتے پابندی لائی‘ اپوزیشن دَسے کہ کیہ اسیں وی مسیتاں بند کر دیے؟۔ اوہناں نے ہور کہیا کہ جدوں قومی اسمبلی دا اجلاس اپوزیشن نے بلایا تے اوہناں دی قیادت نے ایہدے وچ رلت کیوں نہیں کیتی؟