میٹرک تے انٹرمیڈیٹ دے پڑھیاراں لئی خاص خبر، وفاقی وزیر تعلیم شفقت محمود  دی پریس کانفرنس،تفصیل جانن لئی۔۔۔٭رویل نیوز٭

لاہور (نمایندا رویل) وفاقی وزیر تعلیم شفقت محمود نے کہیا اے کہ 9 ویں تے 11 ویں جماعت دا امتحان نہیں ہووے گا‘ جہناں دے کول 9 ویں تے 11 ویں دا نتیجا اے‘ اوہناں نُوں 10 ویں تے 12 ویں وچ پروموٹ کر دِتا گیا اے۔ اسلام آباد وچ پریس کانفرنس کردیاں ہویاں وفاقی وزیر تعلیم شفقت محمود نے کہیا کہ 4 کیٹگریز دے پڑھیاراں لئی ستمبر تے نومبر دے وچکار امتحان لیا جا سکدا اے‘ 11 ویں دے نتیجے توں غیر مطمین پڑھیار تے جہڑے کجھ مضامین وچ ای پاس ہوئے اوہ امتحان دے سکن گے۔ جہڑے 40 فیصد توں ودھ مضامین وچ فیصل ہوئے اوہ وی سپیشل امتحان دے سکن گے۔ سپیشل امتحان دے خاہشمند پہلی جولائی تک اپنے بورڈ نُوں اگاہ کر دین۔ وفاقی وزیر تعلیم نے کہیا کہ 9 ویں تے 10 دے بچیاں دے امتحانات نہیں ہون گے اوہناں نُوں اگلی کلاس دے دِتی جاوے گی‘ جد کہ 10 ویں تے 12 ویں جماعت دے پڑھیاراں نُوں پروموٹ کر دِتا جاوے گا۔ شفقت محمود نے دَسیا کہ اج سارے صوبائی وزراء تعلیم دا اجلاس ہویا تے بنیادی فیصلے ہوئے نیں۔ اوہناں دا کہنا سی کہ قومی رابطا کمیٹی نے سارے تعلیمی ادارے 15 جولائی تک بند رکھن دا فیصلا کیتا سی۔ شفقت محمود نے کہیا کہ 40 لکھ بچیاں نے 9 ویں‘ 10و یں‘ 11و یں‘ 12 ویں دے امتحانات دینے سن‘ پر بچیاں دی صحت نُوں ساہمنے رکھدیاں ہویاں ایہوجہیا فارمولا بنانا سی کہ سال وی ضایع نہ ہووے۔ وفاقی وزیر تعلیم دا کہنا سی کہ اج اہم فیصلے ہوء نیں جہناں دے مطابق 9 ویں تے 11 ویں دا امتحان نہیں ہووے گا‘ سگوں ایہناں کلاساں وچ موجود پڑھیاراں نُوں اگلیاں کلاساں وچ گھل دِتا جاوے گا۔ اوہناں نے دَسیا کہ 10 ویں تے 12 ویں جماعت دے پڑھیاراں دا وی امتحان نہیں ہووے گا تے اوہناں نُوں اگلیاں کلاساں وچ پروموٹ کر دِتا جاوے گا۔ اوہناں د ا کہنا سی کہ جہناں بچیاں نُوں 10 ویں تے 12و یں جماعت وچ پروموٹ کیتا جاوے گا اوہ آئندا صرف 10ویں تے 12 ویں جماعت دے امتحانات دین گے۔ شفقت محمود دا کہنا سی کہ جایزے توں پتا لگا اے کہ 9 ویں دے مقابلے وچ 10 ویں دا نتیجا بہتر ہوندا اے۔ وفاقی وزیر تعلیم نے کہیا کہ چار کیٹگریز دے پڑھیاراں لئی ستمبر‘ نومبر دے وچکار امتحان لیا جا سکدا اے۔ پہلی کیٹگری وچ اوہ پڑھیار نیں جہڑے 11 ویں دے نمبرز توں خُش نہیں تے 12 ویں وچ بہتری لیانا چاہندے نیں۔ دوجی کیٹگری وچ اوہ پڑھیار نیں جہڑے ایس سال اکٹھے امتحان دین جا رہے سن۔ تیسری کیٹیگری وچ اوہ پڑھیار نیں جہڑے کجھ مضامین وچ بہترین دے امتحان دینا چاہندے سن۔ چوتھی کیٹگری وچ اوہ پڑھیار نیں جہڑے 40 فیصد توں ودھ مضامین وچ فیل نیں۔ اوہناں نے دَسیا کہ 11 ویں دے نتیجے توں غیر مطمین پڑھیار ستمبر‘ نومبر وچ سپیشل امتحان دے سکدے نیں۔ وفاقی وزیر نے دَسیا کہ ایہو جہے پڑھیار جہڑے صرف کجھ مضامین وچ ای پاس ہوئے سن اوہ ستمبر‘ نومبر وچ امتحان دے سکدے نیں‘ جد کہ ایہوجہے پڑھایر جہڑے 40 فیصد توں ودھ مضامین وچ فیل ہوئے اوہ ستمبر‘ نومبر وچ امتحان دے سکدے نیں۔ شفقت محمود نے دَسیا کہ ایہو جہے پڑھیار جہڑے سپیشل امتحان دے خاہشمند سن اوہ پہلی جولائی تک اپنے متعلقا بورڈ ز نُوں اگاہ کر دین۔ اوہناں نے ایہ وی دَسیا کہ ایہو جہے پڑھیار جہناں نُوں 10 ویں تے 12 ویں وچ پروموٹ کیتا جاوے گا اوہناں نُوں 3 فیصد وادھو نمبرز دِتے جان گے۔